ORANJESTAD โ Diabierna merdia Minister di Turismo y Salud Publico a acudi na Colegio Bon Bini den Apollostraat caminda e mandatario a ricibi un homenahe hunto cu e frontliners nan, sigui pa un fiesta carnavalesco hunto cu e muchanan. E tabata un rato masha alegre caminda e mandatario a gradici e frontliners nan. Minister Oduber a comparti cu e muchanan, cu e tambe a bishita e Colegio Bon Bini tempo e tabata mucha.
Frontliners nan presente cu a ricibi homenahe tabata entre otro representante di Bureau Rampenbestrijding, DVG, Polis, Ambulance, ImSan y HOH. Minister a menciona cu e trabou cu a ser haci durante e pandemia tabata un trabou cu a ser haci den ekipo caminda cada un di e frontliners nan tabata tin un tarea sumamente importante. E mandatario a menciona cu e frontliners nan a yuda scapa hopi bida. E la duna palabra nan di danki pa tur sacrificio y amor brinda na nan trabou. Awe Aruba a sali di e pandemia y sin duda esaki ta danki na e frontliners nan.
Minister Oduber a bisa e muchanan, cu nan ta e futuro di maรฑan. Pa nan haci nan best na scol, pa dia di maรฑan nan tin un bon trabou mescos cu nos frontliners.
