ORANJESTAD – Despues cu na 2020 Sarah v/d Steen a keda corona como Miss Aruba Online 2020 y aña pasa Eunice Albertsz a bira Miss Aruba Online 2021, awo e oportunidad tei pa nos corona e siguiente ganadora di e titulo prestigioso aki.
Pa participa e candidata mester tin 18 – 30 aña di edad durante e periodo di competencia (5 di Maart – 16 di April, 2022)
- Candidata mester tin Nacionalidad Hulandes of (t)a biba por lo menos 5 aña na Aruba
- Candidata mester compronde y papia Papiamento
- Candidata tin un telefon/camara cu por usa pa filma of saca potret cu ne
- Candidata mester participa na tur 10 Challenge
- Candidata mester ta presente na “Anochi di Instalacion, Moda y Beyeza” y “Anochi di Coronacion”
- Candidata mester tin un Instagram y Facebook account (personal)
- Riba e Instagram y Facebook account (personal y/of fanpage) di e candidata no mag di promove violencia, vandalismo, abuso di droga of alcohol of cualkier otro acto/comportacion cu ta perhudica e bienestar general di su mes y/of di otronan
Inscripcion pa participa na Miss Aruba Online (MAO) ta costa Awg. 100,- (Non-refundable). Tur candidata mester entrega 1 potret di cara (na color) pa introduccion riba social media hunto cu e pago di inscripcion. Inscripcion pa MAO’22 ta sera 28 di Februari 2022.
Tur candidata mester bende minimo 10 carchi pa “Anochi di Instalacion, Moda y Beyeza” na balor di Awg. 25,- pa cada carchi (5 di Maart, 2022) y tur candidata mester bende minimo 10 carchi pa “Anochi di Coronacion” na balor di Awg. 35,- pa cada carchi (16 di April, 2022).
E ganadora di MAO’22 lo ricibi Awg. 1000,- cash como premio, mas otro regalo.
E ganadora di cada Challenge lo ricibi Awg. 50,- pa e challenge cu el a gana (Por gana Awg. 500,- totaal).
Pa mas informacion por bishita e Instagram page missaruba_online of e facebook page Miss Aruba Online.
Miss Aruba Online: Redefining the Standards of Beauty!