Dia 14 di februari 2022 señora Mr. M.G.M. Schwengle di Conseho di Reino a bishita Horacio Oduber Hospital. Den su funcion di miembro di Conseho di Reino ela papia cu presidente di Hunta di Directiva di Hospital, drs. J.E.M. Vroegop, miembro di Hunta di Directiva señor G.A.A. Croeze y secretario ehecutivo reemplazante señora M. Koolman, como tambe respresentante di Hunta di Supervision señor dr. F. Ho-Kang-You.
Durante e reunion informativo a repasa e scala amplio di cuido, a enfoka riba e capacidad di distincion den region como tambe riba e diferencianan cu Hulanda.
Tambe a elabora ariba e impacto di Covid-19 riba Hospital, especialmente riba e personal durante e dos aña, y den cuadro di obtene un bista di e impacto cu esaki tin riba un isla cu un solo Hospital, pa asina por duna perspectiva bek pa Hulanda.
Preocupacionnan mutuo a wordo comparti pa loke ta e retonan financiero actual door di cortamento continuo di AZV riba e budget di cuido di hospital; e financiamento adecuado di cuido, e necesidad di colaboracionnan intensivo dentro di cuido riba e isla, como tambe e presion di aumento di gasto internacional pa transporte, ekipo y otro material; e aumento di gastonan di energia pa hospital pa motibo di e renobacion; e gastonan relata na mantencion atrasa di e edificio; y falta di recurso pa keda altanto cu inovacion y reemplaso di ekipo medico.
Tambe a papia di e estado di salud actual di e comunidad, e rol di prevencion, y e influencianan riba termino corto y largo riba cuido.
E pasion di e dunadornan di cuido pa nan profesion a keda nombra como un linea cora positivo y e nucleo di continuidad y sosten. A yega na acuerdo pa organisa un recorido den hospital durante e siguiente lunanan y pa sigui combersa den mas detaye riba un plan a largo plazo pa Hospital y e cuido conecta na esaki riba e isla.