ORANJESTAD: Diaranson atardi Minister Endy Croes a bishita Huchada Bakery na Santa Cruz en conexion cu nan 20 aña di existencia. Na unda cu den nomber di Gobierno di Aruba e mandatario a haci entrega di un reconocemento na e propretaria sra. Jane Smith Alexander. Minister Endy Croes a felicita famia di Huchada y alabes gradici Huchada Bakery Aruba pa contribui grandemente na e desaroyo y economia di nos pais. Tambe a reconoce Huchada pe servicio ehemplar cu nan ta duna na henter comunidad di Aruba particularmente pueblo di Santa Cruz cu a sostene e compañia aki den gran forma
Di parti di Ministerio di Enseñansa y Deporte nos kier a felicita sra. Jane Smith Alexander, famia y empleadonan di Huchada Bakery cu a cumpli 20 aña. E mandatario a sigui bisa cu Huchada Bakery tin plan pa expande den futuro. Masha pabien y hopi aña mas di exito pa cu Huchada pa cu futuro.
