E bottom line di e Bubali-gate aki ta cu Gobierno a viola bo autonomia, bo derecho riba informacion y a pone bo salud na peliger.
Gobierno kier controla e informacion cu bo ta haya y dicidi ki informacion bo no ta haya, basa riba kico gobierno ta haya ta bon pa turismo sin tene cuenta cu e derecho di cada turista y cada persona local pa haya informacion pa asina cada persona dicidi pa su mes kico e ta haya mas safe pa su salud.
Algun aña pasa Gregg Peterson di Aruba Birdlife Conservation a post potret di pisca morto den Bubaliplas, bisando lo siguiente: “Still-standing water is a health risk, for locals and tourists, as well as for all fauna at the location. Botulism has occurred in the past. It is difficult to bring across the importance of understanding this but maybe the following may be an eye-opener for those that don’t give a hoot about our island. Picture on the front page of The Washington Post or New York Times, or maybe on CNN: “Several tourists very ill due to vacation in Aruba. Botulism feared due to structural neglect.” Botulismo ta un infeccion cu por ponebo mira double, wazig, crea dificultad pa bo papia, dificultad pa bo guli, boca seco y debilidad muscular. Na aña 2020 e newssite 24ora.com a bolbe publica potret di pisca morto den Bubaliplas. Pero mientras cu ta conoci cu e mantencion di e Bubaliplas ta laga di desea Aruba, a bin ta haya señalnan cu usuarionan di nos atraccion turistico mas importante, nos playanan y lama, ta keha di un Rash y nan ta puntra otro hasta riba social media kico por ta e causa di e Aruba Rash aki. Comosifuera poco na december 2020 NBC New York a publica e siguiente storia: ‘In december 2019 Ginny Duffy was soaking up the sun in Aruba, relaxing in the ocean, the resort’s pool and the hot tub – but little did she know that bacteria lurking somewhere in the water would nearly kill her.’ E titulo di e video cu NBC New York a post ta similarmente impactante: “Retired NYPD Officer Tells Story of Surviving Flesh-Eating Bacteria.” Docternan a logra scapa señora Ginny su bida, pero den e proceso nan mester a amputa su pia…
E informacion transmiti pa Aruba Birdlife Conservation, turista y media ta serio y ta supose di alarma Gobierno di tal forma cu nan ta laga haci un estudio, un Health Impact Assessment of por lo menos un gezondheidseffectscreening pa sa e impacto real riba salud di hende cu nos maneho di desperdicio likido tin rond di e RWZI na Bubaliplas y como herment pa desaroya un maneho di desperdicio cu realmente to pone e ser humano central.
Desde 2019 nos tin un motibo mas pa haci un Health Impact Assessment of un gezondheidseffectscreening:
Na aña 2019 CARMABI a confirma cu henter e costa Zuid di Aruba ta afecta pa polucion. No solamente e area inmediato rond di Zeewijk, Parkietenbos y e costa na Eagle Beach y Palm Beach na unda awa di Bubaliplas ta drenta pa medio di e sluis cu nos tur a mira su imagennan. CARMABI no a zuig e conclusion aki for di su duim. E rapport di CARMABI ta producto di un colaboracion di entre otro scientificonan di e Global Coral Reef Monitoring Network (GCRMN) y Scripps Institution of Oceanography. Zach Quinlan (di San Diego State University, U.S.A.) y Irina Koester (Scripps Institution of Oceanography) a yuda analisa samplesnan di awa di henter e costa. Dr. Jennifer Smith a duna asistencia specifico pa cu e isotope analyses. Pa por haci e diferente marine surveys nan tabata tin mester di un barco y esaki a ser haci posibel pa e capitan y e crew di e barco Spicy Tuna na luna di mei 2019. Nan a conta coral, pisca, sushedad den e awanan y nan a analisa e bida marino riba e vloer di e lama na diferente lugar stragico na e costa Zuid di nos isla. Esaki ta nifica cu e ponencia di Gobierno cu CARMABI solamente a basa su mes riba e informacion di e effluent di e RWZI na Bubali simplemente ta un mentira.
E conclusion di tur e esfuerso aki nos ta haya entre otro riba pagina 37: ‘(1) The release of effluent near Bubali, where extremely polluted sewage water is released indirectly into the ocean is associated with enormous abundances of benthic cyanobacteria and macroalgae and a near absence of corals and fishes , (2) coral cover decreases and the abundance of cyanobacteria and turf algae increases in other areas where release of effluent takes place, though not as extreme as near Bubali, (3) nearly the entire leeward coast of Aruba is influenced, to some degree, by sewage pollution.’
Ok, e rapport ta papia di ‘extremely polluted sewage water’ cu nos ta manda ‘indirectly into the ocean’ y cu ta causa ‘a near absence of corals and fishes’. Por ta bo no ta care pa flora y fauna. Pero e pregunta ta keda: kico esaki ta nifica pa salud di hende? E rapport ta bisa riba pagina 35 cu ‘values measured at all sampling sites for seawater frequently exceed water quality standards according to the U.S. Environmental Protection Agency (EPA 2017)’. E rapport ta sigui bisa cu ‘32 out of 1000 people using such water for recreation etc. will get ill from sewage associated bacterial diseases (EPA 2012).’ E bacterianan cu e rapport ta papia di dje ta causa infeccion den e tracto urinario, infeccionnan neonatal (hende muhe na estado), infeccion di sistema nervioso central, infeccion abdominal etc. ‘If abundances of Enterococci exceed (…) the use of such waters in Florida, with roughly a similar Caribbean climate, is immediately discouraged. In short, based on the abundances of E.coli and especially Enterococci, the amount of sewage waters entering Aruba’s coastal waters appears significant and locally exceeds limits for safe use by humans. Locations with increased concentrations of fecal indicators are foremost associated with the locations of RWZIs (sewage treatment plants) and to lesser degree Oranjestad (Figures 12 and 14).’
E informacion cu ‘the amount of sewage waters (…) exceeds limits for safe use by humans’ ta hopi serio. E conocemento di e rapport a crea e responsabilidad pa e Gobierno aki pa actua de inmediato pa cu salud publico: Gobierno mester demonstra respet pa e derecho di cada persona riba informacion importante pa su salud. E ciudadano mester sa cu e rapport ta bisa cu di cada 1000 persona cu ta haci uso recreacional di lama 32 persona lo haya un malesa of otro. E ta na cada persona pa dicidi pa su mes y pa su famia si e kier tuma e riesgo di drenta den e awa, si e kier core riesgo di haya un infeccion den su tracto urinario, infeccionnan neonatal, infeccion di sistema nervioso central, infeccion abdominal etc. En bes di dunabo e informacion importante sin kita, sin pone, Gobierno a dicidi di dunabo e informacion na mochi, a dicidi di papia di coral, di pisca, di anker y asina tapa e peliger pa bo salud.
Ademas di viola bo derecho riba informacion, Gobierno tabata completamente negligente. Pa bo por compronde e magnitud di e negligencia di Gobierno lesa e PAHO-rapport di 2018 prome y e ora bolbe lesa CARMABI. PAHO ta bisa den su rapport di 2018: “No se puede realizar un análisis orientado a mejorar las condiciones del manejo de residuos sólidos a corto mediano y largo plazo, ya que no existen datos actualizados (…).” PAHO ta enfatisa cu nos falta un estudio cu ta demonstra e malesanan y mortonan cu nos desperdicio ta causando: “Una de las dificultades que se tiene en esta consultoría, para definir a la población expuesta a los riesgos directos del manejo inadecuado de residuos sólidos, reside en el hecho de que no existe en Aruba los sistemas de información y monitoreo sobre salud y ambiente, mucho menos los estudios epidemiológicos que demuestren esa relación de mal manejo de residuos y afectación del ambiente y la salud de la población.” Un aña despues CARMABI ta confirma e falta di estudio riba e impacto di nos maneho di desperdicio riba medio ambiente y salud: “There is almost no systematic information about the state of the environment in Aruba.”
Cu e dos rapport aki den man Gobierno tabata tin e obligacion pa laga haci un Health Impact Assessment of por lo menos un gezondheidseffectscreening. Esaki no a tuma luga.
Pa finalisa mi kier enfatisa kico e Corte Europeo di Derecho Humano, EHRM, ta bisa den e caso di Budayeva contra Russia, tocante e derecho di hende den un situacion similar cu nos na Aruba:
The obligation on the part of the State to safeguard the lives of those within its jurisdiction has been interpreted so as to include both substantive and procedural aspects, notably a positive obligation to take regulatory measures and to adequately inform the public about any life-threatening emergency.’