142
Baby Beach, Seroe Colorado: Diasabra merdia, algun turista tabata snorkel y un di nan lo a haya problema den lama. E turista no tabata reaciona, riba e beach tabata tin dos dokter y un nurse cu mesora a cuminsa duna e turista CPR. Mientras tabata wardando riba yegada di ambulance. Polis tambe a yega na e sitio.
Como 20 minuut nan a keda duna e turista CPR, ora ambulance a yega, e paramediconan di ambulance a tum’e over. Nan a cuminsa traha cu e turista pero no por a haci nada mas pa e turista, e la fayece.
No a keda nada otro di yama autoridadnan competente na e sitio. Dr. Texier a wordo pidi na e sitio pa constata morto y Aurora Funeral Home lo bay busca e curpa.