Home Police Tres persona deteni pa menasa cu supuestamente arma di candela

Tres persona deteni pa menasa cu supuestamente arma di candela

SHARE

Lago Heights, San Nicolas: Diasabra den careda di 1’or di marduga, presencia di polis a wordo pidi na un cas na Lago Height pa un caso di menasa. Segun informacionnan ricibi, cu lo a surgi un discussion y un persona lo a saca un arma di candela y lo a menasa hende.

E persona cu lo a saca arma di candela lo a huy cu mas hende den un Nissan March bay direccion Oranjestad. Mesora a cuminsa cu un buskeda pa e auto aki, no a dura hopi cu na Pos Chikito autoridad a logra topa cu ne. Mesora a logra para e auto y polis a detene e ocupantenan di e Nissan March. E tres personanan aresta a wordo transporta cu transportwagen pa warda di polis y e Nissan March a keda confisca, pa mas investigacion.