Home Police Accidente frontal na Jucuri, un persona herida y uno deteni

Accidente frontal na Jucuri, un persona herida y uno deteni

SHARE

Jucuri – Diabierna algo pasa di 12’or mey di anochi a sosode un accidente frontal na Jucuri. Tawata trata di dos vehiculo di e marca Hyundai, un Tucson y un Accent.

Un accidente cu a rekeri asistencia di dos unidad di Brandweer, debi cu e chauffeur di e Hyundai Accent a keda mal pega den e auto.

Na yegada di Arubanative por a nota cu nan tawata tin un homber den boei den e patrouille wagen. Polis a transporta e homber aki hopi lihe pa warda di polis.

Na prome instante a presenta tres ambulance na e sitio, dos unidad di Brandweer y algun patruya di polis. E crusada di Mahuma pa bay Jucuri a wordo cera.

Bomberonan despues di basta rato a bin libera e chauffeur di e Hyundai Accent.
Specialista di trafico y tambe departamento tecnico di polis tambe a presenta na e sitio, pa asina haci mas investigacion.

E daño material tabata hopi grandi.