Home Police Persecusion a caba cu un polis herida y un persona deteni

Persecusion a caba cu un polis herida y un persona deteni

SHARE

Apelsinastraat: Diabierna den careda di mey anochi. Un patruya di polis ta bin topa cu e auto, un Nissan Tiida, A 40 shinishi. E auto aki tabata wordo busca pa su doño.

Segun nos a compronde cu e doño den oranan di mainta lo a presta un familiar e auto pa djis un rato so. Pero anochi a cera y ainda e familiar no a trece e auto bek pa su doño. E doño ta sospecha cu e persona lo a bay uza droga cu su auto.

E doño a bin topa cu e auto riba caminda y a yama polis. Na altura di Pos Chikito un patruya di polis a topa cu e auto. Polis a dun’e un señal pa e para, pero e chauffeur no a respeta esaki y a sigui core.

Mesora a cuminsa un persecusion, e patruya di polis a sigui e Nissan Tiida den area di Sabana Basora, pasa den Franse Pas, bay Mondi Fierno, Mahuma, pasa dilanti aiport bay direccion pabou, rotonde las Americas, nan a bay direccion noord, drenta Dakota, dje drenta Tarabana y a sali bek bay Oranjestad bolbe bay direcion Tarabana.

Na momento cu e la drenta Apelsinastraat, e patruya di polis lo a bay pa cera e auto pa asina e para, pero e intento aki a caba den un accident, den cual un agente policial lo a keda levemente herida. E chauffeur di e Nissan Tiida a keda deteni pa no a respeta ordo di polis.

Ambulance a presenta y a transporta e polis pa hospital y e detenido a wordo hiba warda di polis.