Home Local Aclareacion di e sucedido di diahuebs anochi na Hospital

Aclareacion di e sucedido di diahuebs anochi na Hospital

SHARE

Rond di 7.15pm a constata un holor di gas na piso 4 di e banda ya renoba di Hospital. Di biaha a bati alarma y team di calamidad di Hospital (HVT) a tuma accion. Polis y Brandweer tambe a yega Hospital di biaha pa sigura cu tur cos ta bou di control. HOH kier aclarea cu na ningun momento a evacua pashent mirando cu a tuma accion di biaha y nan siguridad no tabata den peliger.

Actualmente tin trabounan di construccion andando na Hospital y ta pensa cu esey por a ocasiona e holor di gas. Brandweer a hasi e trabounan di control pa sigura cu no tin ningun lekkage. HOH kier sigura cu awo tur cos ta bou di control y e pashentnan y empleadonan ta safe. LO sigui di biaha un evaluacion di e sucedido y lo tuma accion si ta, y unda ta necesario.

Un palabra di gradicimento ta bay pa Team di Calamidad di HOH (HVT) y coleganan cu a actua debidamente. Y tambe un danki grandi pa team di Brandweer y Polis cu a acudi manera a bati alarma. Team complete di Hospital ta sumamente orguyoso!