Home Police Detencion di un dama pa posesion di droga y cierre di Great...

Detencion di un dama pa posesion di droga y cierre di Great Rich na Paradera

SHARE

Paradera:
Diasabra den oranan di anochi, algo despues di 11’or di anochi, durante control di trafico dilanti di Great Rich, un dama disfraza basta sexy a hala atencion di polis, mirando cu e dama lo tabata mustra bou influencia. Polis a dicidi di haci test di alcohol cu e dama.

E dama lo a keda deteni pa motibo di lo tabata den posesion di marihuana.
E dama a keda riba dje cu e droga NO ta di su persona, e la keda bisa cu e marihuana no ta di dje, pero di un otro persona.

Transportwagen di Santa Cruz a bin busca e dama y a transport’e pa Warda di Santa Cruz pa asina nan haci un investigacion mas profundo, cu si enberdad e droga no ta di e dama pero di un otro persona.

Dilanti Great Rich na Paradera tabata tin un cantidad grandi di auto staciona y hopi hende den e establecimento aki. E team special a tene un control paden y despues a cera e sitio nocturno aki.