Dos persona herida den accidente serio na Sabana Berde

Sabana Berde – Diaranson mainta trempan ta raporta un accidente basta fuerte altura di e kazerne di Brandweer. Informacion adicional a bisa cu tin hende herida.

Na yegada ambulance tambe tawata na caminda, mirando cu dos persona a resulta herida. Pues den ambos auto tawata tin un herido.

E accidente a sosode momento cu e Nissan Tiida a subi caminda dilanti e Toyota color cora biniendo di pariba. Un impacto hopi duro unda cu airbag nan a bula y esey segun nos a compronde na e sitio lo a herida un dama den e Tiida.

Dos ambulance a presenta unda cu Paramediconan a saca ambos herido y ta transporta nan pa Hospitaal.

Polisnan di trafico tambe a presenta pa haci nan trabou.

Daño material ta grandi.