Home Local Departamento di Obra Publico lo construi verkeersplateau na crusada di Palm Beach

Departamento di Obra Publico lo construi verkeersplateau na crusada di Palm Beach

SHARE

Departamento di Obra Publico ta desea di informa comunidad di Aruba y specialmente automobilistanan cu ta haci uzo di LG. Smith Blvd y Palm Beach area, cu otro siman dialuna dia 11 di October 2021 y diamars 12 di October 2021, lo bay construi verkeersplateaunan na e crusada di Palm Beach pa asina evita accidentenan tuma lugar.

Dialuna lo cera for di rotonde di Superfood direccion L.G. Smith Blvd (noord) pa asina constui 2 verkeersplateau y diamars lo construi e otro direccion Palm Beach.
Orario di e ceramento lo ta for di 7’or di anochi te cu 6’or di mainta.

Ruta di desviacion lo keda indica cu borchi y baricadanan di aviso.

Alabes ta anuncia atrobe cu e verkeersplateaunan akinan ta temporal ya cu otro aña nos lo contrui e rotonde mes.

Por favor tuma nota ❗