Home Local 77% di e cantidad di pasaheronan cu a biaha for di Aruba...

77% di e cantidad di pasaheronan cu a biaha for di Aruba na September 2109 a wordo recupera den September 2021

SHARE

67,021 pasahero a biaha for di Aruba na September 2021

ORANJESTAD – Aruba Airport Authority N.V. (AAA) ta raporta riba e prestacion di AUA Airport den September 2021; un luna conosi pa ta mas keto pero cu a duna un nivel di recuperashon satisfactorio compara cu e mesun periodo na 2019.

Na September 2021, AUA Airport a procesa 67,021 pasahero cu a biaha for di Aruba. Esaki tabata 32% menos compara cu e luna anterior. Durante e ultimo luna AUA Airport a recupera 77% di e cantidad di pasaheronan cu a biaha for di Aruba den e mesun luna na 2019. Na September 2021 50,889 pasahero a biaha pa Merca, 6,466 pasahero a biaha pa Europa, 2,663 pasahero a biaha pa Antiyas Hulandes, y 6,574 pasahero a biaha pa Latino America.

Un averahe di e passenger load factor (PLF) na salida (cantidad di asiento ocupa en comparacion cu e cantidad total di asiento dispobibel abordo di un avion na momento di sali for di AUA Airport) pa e mercado Mericano di 70% a keda raporta den Augustus 2021, mientras cu e averahe di PLF pa tur mercado tabata 71% durante e mesun temporada (comparando cu 2019 unda e PLF averahe pa tur mercado tabata 85%).

Durante e ultimo luna, AUA Airport a procesa un averahe di 26 buelo pa dia, esaki ta menos compata cu e averahe di 32 buelo pa dia durante e mesun temporada den 2019. Den e mesun temporada na 2020 AUA Airport a procesa solamente 218 buelo mientras cu e frontera a habri na Juli 2020 pa tur operacion comercial.