Home Corte Oktober 12 2021: 4 aña di prison colgando ariba cabes di ex...

Oktober 12 2021: 4 aña di prison colgando ariba cabes di ex Minister di AVP Paul Croes y lo por wordo hiba mesora pa KIA

SHARE
Ex Minister di AVP Paul Croes

Oranjestad – Tipo di casonan manera esaki, den cual politiconan di pais Aruba ta cay den man di Husticia, ta pone un mancha scur riba e partido cu nan ta forma parti di dje y tambe den historia di politica di Aruba.

Otro siman diamars 12 di oktober, lo bira un otro dia scur mas den politica na Aruba, debi cu ex Minister Paul Croes di ex Gabinete Mike Eman II lo bay ricibi su condena. No solamente Paul lo ricibi sentencia di Corte Superior, pero tambe e otronnan cu ta envolvi den e mesun caso aki, manera e casa di e ex Minister cu tambe a presenta recientemente. Pues den palabra chikito, esaki ta relaciona cu casonan serio di corupcion.

Husticia ta keda para ariba e sentencia di februari 2019, den cual hues a sentencia Sr. Paul Croes cu 4 aña di prison y no a hala niun paso atras. Cuater aña di prison, pa cual 9 aña e lo no mag di ta ambtenaar y tampoco mag di pone su mes eligible den eleccion aki na Aruba.

Ex Minister Paul Croes, ta e persona principal den caso IBIS, di cual Husticia a prueba cu e la tuma giften (regalo) y tambe lo tabata envolvi den casonan di ontheffing.

Tambe a keda prueba cu e la haci mal uso di su poder: desde algun aña caba esaki ta hinka den ley na Aruba.

Esaki ta bira e di dos politico/gobernante di partido AVP cu a wordo sentencia (e prome tawata Tico Croes), e di tres politico lo bira Benny Sevinger(Caso Avestruz) kende a wordo deteni y a keda como 3 luna encarcela na KIA. Segun nos a compronde tin cargonan mas grandi ainda colgando ariba su cabes y posiblemente mas aña di prison tambe. E ta wordo acusa di a haci negoshi cu terenonan di Land Aruba. Parlamentario Sevinger su caso lo cuminsa wordo trata den corte pa cuminsamento di 2022.

Biniendo bek ariba e caso Ibis, dependiendo e desicion oktober 12, e ex Minister lo por wordo deteni y hiba directamente K.I.A segun un fuente.

Preguntanan tambe cu tin rond di e casonan(Ibis), y tambe di Caso Avestruz ta si Afpak Team lo ta envolvi den e casonan aki.