Home Police Dama a pega soña tras di stuur y cay cu su auto...

Dama a pega soña tras di stuur y cay cu su auto den greppel na Hato

SHARE

Hato – Diabierna mainta pasa di 10’or polis y ambulance a bay altura di Elmar na Hato, unda cu un Nissan March a cay den greppel.

Na yegada di polis y ambulance nan ta topa cu un Nissan March cara pariba den e greppel.

Segun nos a compronde, na stuur tawata tin un dama cu lo a pega soño momento cu e tawata bayendo direccion rotonde di Hato situa dilanti Elmar.

For di pabou e auto lo a kita bay na su man robes, causando cu e la cay den e greppel y lastra bay te final di e greppel yegando e rotonde.

E dama cu ta un Diver lo a pega soña na stuur, parse cu na trabou e no tawata sinti bon y lo a ser manda cas of lo a pidi pa bay cas.

Na caminda pa e cas e accidente a sosode.

Ambulance a yega y Paramediconan a trata cu e dama.

Mientras polis di trafico tambe a subi abordo di e ambulance pa tuma declaracion di e dama.