Home Corte Benny Sevinger ta sali bou condicionnan di Ministerio Publico

Benny Sevinger ta sali bou condicionnan di Ministerio Publico

SHARE

Oranjestad – Diamars atardi 4’or Benny Sevinger un di e sosoechosonan principal den e caso Avestruz su detencion a wordo suspendi. Pero, esaki no ta zomaar debi cu e mara na un set di condicionnan di Ministerio Publico.

Ministerio Publico: “Diamars entrante 16.00’or e detencion di señor Sevinger a keda suspendi. Huez-comisario a dicidi esaki riba peticion di e abogado.
Ministerio Publico no a verzet su mes contra esaki. Si Ministerio Publico a pone condicionnan na e suspension, cu a wordo accepta pa huez-comisario. Ta asina cu e investigacion penal ta casi full cla”.

Awor mester warda ki dia e caso lo presenta dilanti huez y kiko ta e sentencia cu lo bay exigi contra su persona.

Mescos cu Sevinger, tin tambe Susebeek, Every, Abath, Arends, Werleman, Nuñez, Richardson, Franken cu tambe lo mester presenta den Corte.