Home Local Kids Council di Scol Dornasol cu tremendo presentacion na Aruba Bank

Kids Council di Scol Dornasol cu tremendo presentacion na Aruba Bank

SHARE

Oranjestad-  – For di 2018 Gerencia di Aruba Bank a acepta pa uni na e Missing Chapter Foundation su ‘Kids Council’. E initiativa aki ta parti di e MCF cu ta funda pa Prinses Laurentien y tin e meta pa yuda companianan tuma desicionnan sostenibel.

 

Durante di e luna di juli, e ‘Kids Council’ 2021 di Aruba Bank, cu ta consisti di muchanan di e Scol Dornasol, a presenta nan recomendacionnan na e institucion financiero. Entre otro e grupo di studiante a haci sondeo y bishita Plastic Beach party pa por haña un idea di kiko tur por wordo recicla.

 

Nan a haci un tremendo presentacion caminda cu nan a presenta nan recomendacion pa bira mas sostenible, entre otro, por medio di instala panelnan solar, traha tarheta di materialnan recicla y door di haci uzo di smartphones y tablets como e medio di comunicacion.

 

Aruba Bank ta felicita cada participante cu a forma parti di e bunita proyecto y alabes gradici e grupo completo pa presenta diferente ideanan sublime cu Aruba Bank lo haci uzo di dje den futuro.