Home Corte Un patronisacion a largo plazo entre BEN Real Esate y Aruba Soccer...

Un patronisacion a largo plazo entre BEN Real Esate y Aruba Soccer Academy

SHARE

‘Comberti soñonan den metanan’ ta e motto di Aruba Soccer Academy (ASA). Duna e muchanan jong e oportunidad pa sobresali, alcansa na aspiracionan y biba nan pasionan, ta e objetivonan clave di ASA. E personanan tras di BEN Real Estate Aruba tambe ta reconoce e importancia di e programa aki y cu entusiasmo a drent den un patronisacion a largo plazo pa apoya Aruba Soccer Academy.

Un di e projectonan di ASA ta pa tin un entrenador prospero y un programa di exploracion (Scouting) na Aruba. Pa medio di e programa aki, talentonan jong riba e isla por wordu reconoci na un edad hopi jong pa asina e training apropia por conduci na un carera profesional den futbol. ‘Entrena e Entrenador’ tambe ta un manera pa mejora e calidad di futbol na Aruba. Pa e motibonan aki, entrenador y exploradornan (Scouts) Hulandes, Ferdie Vierklau y Phanatio Aweti ta actualmente na Aruba. Diaranson ultimo nan a sera conoci cu e team di BEN Real Estate Aruba na Cafe de Plaza den Renaissance Marketplace pa asina seya e acuerdo di asociacion. Acompaña pa e ex-profesionalnan di FC Amsterdam, Willem van Bommel, tur e partidonan involvi a celebra e corporacion fructifero y expresa e ambicion pa crea mas oportunidad den futbol pa e juventud di Aruba.