144
Catiri – Diahuebs merdia algo prome cu 12’or polis y ambulance a bay un adres na Catiri, unda un homber lo a cay di dak.
Na yegada di polis ya ambulance tawata na e sitio. Agentenan cu a baha bay paden a wordo informac cu e cabayero lo tawata haciendo trabou di mantencion na e adres, y cu e no a cay for di dak manera a set bisa na cuminsamento.
Por a mira un trapi y a resulta cu ta for di e eynan e la cay, esaki tawata bou un hafdak.
Paramediconan mientrastanto tawata preparando e cama y un artefacto mas pa transporta e homber.
Por a mira cu e homber tawata na tino, pero si tawata kehando di basta dolor.
Den algun minuut Paramediconan a lanta e homber y nan a sali direccion Hospital.
Polisnan a tuma dato y despues nan a continua nan caminda.
