Home Police Homber a hoga na Conchi y a logra saca e curpa altura...

Homber a hoga na Conchi y a logra saca e curpa altura di e boca di Daimari

SHARE
Momento cu e curpa tawata wordo saca for di lama

Conchi – Diahuebs merdia den careda di 12’or un persona a core yega cerca un Park Ranger aloxa den cercania di Conchi, y ta bise cu tin un persona lo tawata hogando. Pa ora cu kier a yega na e sitio por a mira unicamente e curpa ta drief den lama. Unda cu e tawata no por a yega mas na dje. Un lama sumamente bruto y tawata scuma so. No a keda nada otro cu bati alarma na teamnan di rescate.

Asina polis, brandweer y kustwacht a uni forsa y den un accion coordina a cuminsa e trabou pa saca e curpa for di awa. Diahuebs algo despues di 12’or di merdia a drenta un informacion cu un persona a hoga na Moro, cu ta keda pabou di boca keto. Mesora polis y brandweer a bay na e sitio.
Helicopter tambe a wordo ingeschakeld y tawaya sigui e curpa for di halto. Na altura di e boca di Daimari nan a bin topa enberdad cu un curpa di un persona masculino ta drief den lama.
Aparentemente ta trata di un homber turista y su auto di huur ta staciona na Daimari. E homber aki y un persona mas lo tawata den compania di un local cu na varios ocasion ta cana cu turista den e parke.
Kiko por a bay robes awe cu e homber a bay drenta e lama bruto no ta duidelijk. Basta rato despues por a mira e boto di Kustwacht y un boto mas chikito yega e sitio. Eynan den algun minuut e boto chikito a logra saca e curpa. Ariba e sero di Daimari e vehiculo di e victima a keda y tambe di e local y un v-car mas. Nos ta manda palabranan di condolencia na famia di e fayecido.