Home » Imagennan Exclusivo: Team di polis ta efectua detencion di un hoben(22) relaciona cu e asesinato na American Bar

Imagennan Exclusivo: Team di polis ta efectua detencion di un hoben(22) relaciona cu e asesinato na American Bar

by Admin
0 comment 76 views

 

Savaneta – Diahuebs merdia den careda di 2:30 Team Arubanative.com a haya imagennan  exclusivo momento cu autoridad hunto cu Team di Aresto a detene un hoben den un Nissan March. Esaki tawata net den entrada di Mariniers Kazerne na Savaneta. 

Tur cos a bay super lihe.

For di Vocero di Polis Sr. Lito Laclé nos a ricibi e siguiente relato.

“Recherche di San Nicolas (DAR3) a detene 1 homber pa e asesinato dilanti American Bar.

Enconexion cu e caso di asesinato cu a tuma lugar dia 7 juli 2021 dilanti American Bar Recherche di San Nicolas (DAR3) a detene 1 hende homber di inicialnan D.D.A. naci na Aruba di 22 aña. E sospechoso aki a wordo deteni ariba caya den su auto na altura di Marinierskazerne.

Mester bisa cu e persona deteni ta wordo considera sumamente peligroso y ta pesey a hasi uso di e team di aresto.

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo”.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio