Home Politics Leonardo Figaroa, candidato #14 di Accion21, tambe ta retira for di Accion21

Leonardo Figaroa, candidato #14 di Accion21, tambe ta retira for di Accion21

SHARE

Un lider berdadero ta eleva no rebaha

Pueblo durante 90 dia abo por tabata mi testigo con duro mi a traha, con mi a sa di carga un mensahe di hoben pa hoben.
Mi a opta awe pa no manda ningun relato di prensa, esaki na bienestar general di Pais. Aruba. Pero si den cuadro di transparencia cu ta un principio dimi publica mi carta di retiro pa pueblo di Aruba mira y haya un idea di kico tur como un hoben mi a pasa aden.

Mi ta lamenta imensamente no solamente reaccion di lider di partido pero demas miembronan di partijraad. Cuanto cos tin ora bo ta haci pa yuda otronan y despues bira haya schop.

Pero mi ta confia cu esaki ta e miho decision cu mi por tuma na e momentonan aki pami salud mental.
Pueblo bo por spera di Leonardo Figaroa den e proximo periodo mas preparacion pa sigui profesionalisa mi mes, activismo pa sirbi mi communidad y crea mas lidernan. Pasa tempo cu mi famia y bishita cada un persona cu a kere den mi mensahe pa conecta progreso.

Na e 190 personanan mi no tin otro palabra pa gradici boso di curason, esaki no ta e fin di Leonardo Figaroa. Mi lo sigui den politica pero paworakinan mi ta considera mi mes un activista y un cuidadano luchando pa nos derechonan pa asina nos por haya mas opportunidadnan y sigur critico ariba gobierno y Parlamento

Danki Aruba, danki pueblo pa a brasa boso politico di mas hoben.

Fuente: Facebook page di Leonardo Figaroa