Home Politics Daphne Lejuez a tuma su retiro for di Accion21, si en caso...

Daphne Lejuez a tuma su retiro for di Accion21, si en caso Mansur bandona Parlamento, su persona lo ta next in line pa drenta

SHARE

Mi a opta pa no manda un relato di prensa na momento cu mi a entrega mi retiro di Accion21, pasobra mi no kier a causa daño na cualkier negociacion pa un coalicion den interes general di nos Pais, ni tampoco crea desconfiansa bou di tur e votadornan di Accion21.

Pero mirando e reaccion di Sr. Mansur, mi a opta toch pa comparti mi carta di retiro den tur transparencia, pa asina un y tur por compronde e motibonan real pa cual mi a distancia mi mes y lamentablemente no por a keda forma parti mas di e partido. Mi lo tuma e tempo mi dilanti pa dedica na mi jiunan cu pronto lo bai studia, na mi casa y pa atende cu mi salud, pero semper mi lo keda disponibel pa sirbi mi Pais di un forma of otro.

Na tur esnan cu a deposita nan confiansa den mi persona, di curason y humildemente mi ta sumamente agradecido pa boso sosten y kier a enfatisa cu nada a cambia. Sr. Mansur ta keda e prome yama pa drenta Parlamento, y si en caso e bandona Parlamento, e next in line lo keda mi persona, no obstante si mi ta den partido of no.

Mi kier a finalisa bisando cu mi decepcion ta uno inmenso, y cu no tur ora locual ta blink necesariamente ta oro.

Su carta di Retiro

Fuente: Facebook Page di Sra. Daphne Lejuez