Amsterdam – Diamars anochi ora di Hulanda den careda di 7:30 e Misdaad Verslaggever conoci na Hulanda Peter R.De Vries a wordo tira. Esaki a sosode den centro di Amsterdam.
Ta parse cu De Vries lo a caba di sali di studionan di RTL Boulevard unda cu e la wordo tira di cerca. E tira ta mustra den area di su cabes/nek. Peter a cay y keda drumi ariba suela. Den un situacion hopi critico e la wordo transporta pa Hospital.
Polis via Burgernet ta buscando testigonan cu por a mira un homber cortico delega di color bruin. E homber lo tawata bisti cu un jacket berde scur cu manchanan di camuflage y tawata tin un petchi preto bisti.
De Vries ta un conocido journalista cu ta investiga crimennan y despues ta documenta esaki, unda cu durante añanan e la guia un cantidad di programanan via television Hulandes. Na varios ocasion De Vries a haya menasanan di morto, cu tawata sali di e onderwereld manera e ta ser yama na Hulanda.
Update: Un persona a wordo deteni ariba e highway di A2 cerca di Bruekelen.