Home » Benny Sevinger su set di bachi pa huramentacion ta nan KIA, niun paso atras

Benny Sevinger su set di bachi pa huramentacion ta nan KIA, niun paso atras

by Admin
0 comment 92 views

Santo Patia – E politico cu mas bo a scucha di dje den e eleccion ultimo ta Sr. Benny Sevinger. Un politico cera na KIA, sospechoso di un cantidad grandi di acusacionnan y un monton di prueba contra dje.

Acusacionnan manera corupcion, haci mal uso di su poder(como ministro) y ta pertenece na un organizacion criminal ta algun di nan.

Sevinger no solamente a crea un controversia den e eleccion ultimo, como cu estando cera asina mes e tawata ariba e lista di AVP, unda e la haya number 29. E partido a campaña massalmente pa e politico cera y sospechoso di corupcion.

Un otro polemica cu Sevinger a crea ta cu den su mesun partido, unda cu e number 7 cu ta Robert Candelaria lamentabelmente lo mester keda pafo di Parlamento. Candelaria cu a campaña fuertemente lo tin di mira tur su sodo y energia hinca den e campaña bay perdi.

Informacion cu nos a ricibi cu ta mustra cu no tin ningun paso atras.
Benny Sevinger su set di bachi a yega KIA, pues mas duidelijk esaki no por ta pa Sr. Candelaria, cu probablemente lo tin di bay haci algo otro manera cos ta pintando. Tambe Sr. Marlon Sneek cu tambe a campanja hopi y cu ta falta solamente algun luna pa completa su vol pensioen, tambe lo keda afo, si AVP no logra forma gobierno.

Pa juli 8 Aruba mester tin su parlamento nobo, cu lo ta bou loop di Reino Hulandes y sin papia mes di Mundo henter.
Unda cu un candidato si ta bon lo yega den transportwagen di C.E.A. pa asisti na su huramentacion? of Husticia prome cu dia 8 di juli lo por bay laga Benny den libertad? preguntanan cu den e dianan nos dilanti nos lo haya sa con e huramentacion aki lo tuma lugar.

Ministerio Publico a informa diabierna ultimo cu nan lo duna nan cooperacion pa cu e huramentacion di sr. Sevinger.

Pues algo inunsual den Reino, algo cu nunca antes a yega di sosode na niun parti di Reino Hulandes. Esaki no ta sintando e pueblo nada bon y pa pais Aruba, cu lo tin di bay biba cu esaki internationalmente.

Di e otro banda aunke ta duna “cooperacion” pa Sevinger bay huramenta, Ministerio Publico ta bisa tambe cu Benny ta keda encarcela.
Con e lo presenta of asisti na cualkier reunion despues di dia 8 di juli no ta conoci. Pues si no dun’e permiso pa atende cu reunion di parlamento, AVP lo keda mientras tanto cu solamente 6 representante den Parlamento.

Diabierna ultimo Sevinger tabata bou interogacionnan di Landsrecherche na KIA mes.

Diasabra den oranan di mainta famia di Sevinger a trece su set di bachi y demas acesorionan cu e lo bay bisti pa dia di su huramentacion.

Pues e bala awor ta den mesun tereno di e partido berde, unda cu lo move un persona manera Sr. Robert Candelaria cu ta un persona trankilo, hopi respetuoso y alabes cu no a comete ningun infraccion, pa duna Sr. Sevinger cu tin un monton di acusacion y prueba den su contra y ariba dje ta cera na KIA pa tuma e asiento aki, cu tur e consecuencianan cu lo por tin pa e partido y pa Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio