Home » Secretario General di Aruba Voetbal Bond haya culpable di a falsifica firma

Secretario General di Aruba Voetbal Bond haya culpable di a falsifica firma

by Admin
0 comment 76 views

ORANJESTAD – E Secretario General di Aruba Voetbal Bond, R.G., a wordo haya culpable di a falsifica firma di e president di RCA riba e formulario di participacion na e compeonato interional di voetbal.

Aruba Native por a compronde cu esaki ta e decision di Hues di Corte, den e caso penal cu Ministerio Publico a cuminsa contra dje.

Hues a mustra cu R.G. ta wordo acusa di falsificacion di firma di president di RCA Club riba un fomulario riba 22 Januari 2021. Reynaldo Geerman como Secretario General di Aruba Voetball Bond a bisa Hues cu el a haya autorizacion di e president di RCA pa yena e formulario digital pa nan participa den campeonato internacional. El a marca un firma bou nomber di e president di RCA y manda esaki. Segun R.G., el a haci esaki den pasado caba, 3 biaha haci’e pa RCA. E promer formulario na November 2020 pero door di Covid a stop esaki. Na Januari 2021 mester a bolbe confirma RCA su participacion.

R.G. a admiti cu riba e formulario no tin firma di president di RCA. El a splica cu nunca e president ta firma riba e formulario. Ta pesey ta pidi autorizacion.

Fiscal ta haya legalmente proba cu R.G. a falsifica firma. Fiscal a mustra cu R.G. mes a admiti di a haci un firma cual no ta di e president di RCA riba e formulario. Fiscal ta haya cu si R.G. a haya autorizacion, e mester a indica riba e formulario cu el a haya autorizacion.

Fiscal ta haya cu esaki ta falsificacion di firma. Fiscal a bisa cu e ta tene cuenta cu R.G. kier a inscribi RCA pa participa den e campeonato. El a exigi pa R.G., 60 ora di trabao pa comunidad pero condicional cu un tempo di prueba di 2 aña.

Abogado mr. Marchena a bisa Hues cu R.G. ningun momento kier a falsifica firma di president di RCA. E kier a solamente yuda pa nan participa den campeonato internacional mirando cu e tempo pa inscripcion tabata cla pa caduca. Segun mr. Marchena, e invitacion ta yega na Aruba Voetbal Bond (AVB) y no na e clubnan di voetbal. Ta via AVB, un club por inscribi. El a bisa cu anterior R.G. a haci’e caba pero door di Covid, e campeonato no a sigui. E formulario ta digital y si no haci un firma, e no ta keda registra. E abogado ta haya cu mester declara R.G. liber di a haci falsificacion di firma.

Hues a dicta sentencia di biaha. Hues a bisa cu e ta haya legalmente proba cu R.G. a falsifica firma di president di RCA den e formulario di campeonato internacional. Hues a bisa cu e no ta convenci cu un tempo di prueba lo evita cu R.G. lo no bolbe haci’e. Hues a mustra cu R.G. mes a bisa cu diferente biaha el a haci’e. Hues ta haya cu no ta na su lugar cu R.G. ta haci asina. El a bisa cu R.G. por a laga e president firma manera despues si a sosode.

Hues a confirma e exigencia di Fiscal y a condena R.G. na un castigo condicional di 60 ora di trabao cu un tempo di prueba di 2 aña.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio