Home » Koki deteni un biaha mas pa ladronicia di sapato

Koki deteni un biaha mas pa ladronicia di sapato

by Admin
0 comment 104 views

Shiribana – Diahuebs mey anochi varios unidada di diferente districto a wordo manda direccion Rococo Plaza situa na Tanki Leendert. Eynan of eybanda algun persona tawata tras di un ladron.

Den algun minuut polisnan a yega y ariba e caminda dilanti Rococo Plaza cu ta bay pa Nuña a bin topa e habitantenan cu e ladron.

Mesora polis a reconoce e persona, tawata trata di Elton Kock tambe conoci bou e nomber Koki.

E homber aki ta un adicto y na multiple ocasion e la worda aresta pa e mesun hechonan, esta ladronicia.

Elton lo a horta sapato di e persona. Momento cu e persona a haya falta di su sapatonan cu e ta laga pafo e la subi auto y a core den vecindario y a bin topa Elton/Koki cu e sapatonan. Esaki despues cu e alarma den su cura a bay on.

Aki a start un persecusion cortico na pia unda cu e habitantenan a logra gare y wante te ora polis yega.

Elton tin problema di droga y tawata cera na KIA pa basta luna. Un luna y mey pasa mas o menos e la sali di KIA, y esnan cu conoce poco poco por a mira ta bay atras atrobe den e mundo di droga cu ta coste su libertdad.

No ta conoci si e lo bay KIA bek, cu Elton mester ayudo ta un echo, e la yega di papia esaki dilanti camara.

Pero, e mester sali di su mes un will power pa e logra esaki.

Por ehempel e lo por busca help cerca Sr.Frans di Stichting Eliezer Zorgboerderij La Posada situa na Paradera. Eynan e lo wordo bon guia pa personanan cu amplio experiencia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio