Oranjestad – Den un entrevista recientemente cu Sr. Mike Eman a tene cu Sr. Croes di e radio 100.9 .
Sr. Aldrick Croes a haci Sr. Eman e pregunta cu tur hende kier scucha, esta cu partido AVP tin un Parlamentario y tambe Candidato ariba lista cera den KIA.
Sr.Eman a cuminsa na bisa cu e sospechonan lanta door di Sr.Endy Croes y Sr.Rocco Tjon ta door cu nan a bay Ministerio Publico “over and over and over” segun Eman pa entrega keho contra candidato 29 ariba lista di AVP cu ta Sr.Sevinger.
Eman: ” Mientrastanto tur e otro hendenan cu supuestamente a wordo priviligia incorectamente of ilegalmente ta liber y unicamente Sr.Sevinger na e momentonan aki ta deteni ainda”. Akinan ta mustra cu Eman kiermen esnan cu a wordo laga liber, esta Arends, Abath, Every, Susebeek y otronan.
Segun Eman den su propio palabra, “Ta keda un interogatorio grandi con e proceso a bay”.
E la sigui bisa cu despues di cambio di gobernacion o sea cu ora e drenta gobierno e lo laga investiga Landsrecherche.
Palabra cu señor Eman a usa tawata “doorlichting”. Sr. Croes a puntre pues bo no ta confia e proceso huridico? Eman a contesta cu no.
Eman a bisa cu e no ta confia e proceso huridico.
Y no ta prome biaha Eman a bin ta bisa esaki, esta den direccion di Landsrecherche y tambe Ministerio Publico.
Tur esaki a cuminsa na momento cu Sr.Benny Sevinger a wordo aresta. For di e dia ey Landsrecherche ta bou un atake formal door di partido AVP. Y no solamente Landsrecherche ta wordo ataca pero Ministerio Publico tambe.
Segun su persona, e ta bisa cu e dos entidadnan aki lo ta wordo usa pa metanan politico o sea door di partido MEP.
Segun Eman: semper despues di gobernacion di partido AVP partido MEP ta drenta y crea insinuacionnan y ta bay Ministerio Publico y pone presion pa persigui esnan di partido AVP.
Nos ta kere cu un Landsrecherche y/of Ministerio Publico lo no bay persigui un persona tras di insinuacionnan pa motibo cu e no ta traha asina.
Pa cera, locual Eman posiblemente lo kier mustra ta cu Sr. Benny Sevinger ta cera pa motibo di insinuacionnan y esaki lo ta e motibo cu si su partido gana e eleccion lo bay laga investiga Landsrecherche.
Algo sigur a laga nos pensa pa basta rato.