Home Corte AVP a cuminsa caso contra Gobierno pa haya lista di votadornan

AVP a cuminsa caso contra Gobierno pa haya lista di votadornan

SHARE

ORANJESTAD – Awe mainta, den Corte di Husticia a tuma lugar e caso sumario cu partido AVP, a cuminsa contra Gobierno.

Aruba Native a compronde cu mr. J.Sjiem Fat, a representa AVP mientras cu Gobierno a wordo representa pa su empleado di Departamento Huridico.

E motibo cu AVP a cuminsa e caso ta pasobra cu Minister Presidente y Conseho Electoral a dicidi cu no ta facilita partidonan cu e lista di votadornan. Ministerio Presidente y Conseho Electoral ta haya cu esaki ta un violacion di privacidad di e votador.

Di parti di AVP, no ta haya cu esey ta e caso. Den Parlamento a dicidi cu cada partido lo haya 2 lista di votadornan. A mustra den Corte cu e motibo cu AVP kier haya e lista di votadornan, ta pa por controla kendenan a bay vota.

E abogado di AVP a hasta bisa Hues cu por hasta kita adress di e votadornan. AVP kier haya sa cuanto votadornan tin y e districto unda nan ta vota pa asina AVP por controla. Hues despues di a scucha e partidonan a bisa cu e lo bay studia e caso y Diaranzon mainta lo tin sentencia.