Camacuri – Diaranson merdia e caminda di Camacuri tawata scenario di un un accidente entre Hyundai Accent di polis y un Hyundai Accent v-car.
Locual a sosode, durante oranan di diaranson merdia polis a cuminsa cu un persecusion tras di un Toyota Rav maneha pa e conoci di polis Van Rijn. Un homber cu algun tempo atras a trece hopi automobilista inocente nan bida den peliger, door di core auto roekeloos y no pa nada di mundo ta para pa polis.
Diaranson merdia un biaha mas e mesun storia y den un ora cu tin hopi trafico ariba caminda e homber aki a bolbe cuminsa haci raro.
Polisnan despues di e haya informacion di e area una e la wordo mira a bay ey pa asina atende cu ne.
Momento cu polisnan a spot e, wega a cuminsa.
Un persecusion unda varios unidad di cuerpo policial a participa na dje.
Mala suerte
Mala suerte y na mesun un momento por bisa suerte. E dos agentenan policial den e Accent bayendo pa yuda nos a compronde a haya envolvi den un accidente di trafico ariba e caminda di Camacuri.
Un orario druk, unda un v-car aparentemente lo a bay haci un U-turn causando cu nan ta dal y ta resulta herida. No tawata mustra di gravedad, pues esey ta e parti positivo debi cu e caminda eynan ta conoci pa accidentenan grave.
Door di e accidente polis a opta pa cera rotonde Las Americas y tambe crusada cerca di kazerne di Brandweer na Sabana Berde.
Dos ambulance y tambe rapid respond di ambulance a presenta pa atende cu esnan herida.
Despues di a stabilisa ambos herido a transportanan pa Hospital.
