Avenida Nelson O.Oduber – Diasabra anochi pasa di 11’or polis a haya informacion di un accidente cu hende herida na e rotonde pariba di Hospital.
Na nos yegada por a scucha ambulance den leu y despues di algun minuut cortico e la yega.
Despues di un rato polis di trafico tambe a yega.
E autonan envolvi tawata un Audi y un Kia Sportage.
Chauffeur di e Audi no a mantene distancia y a dal tras di e Kia Sportage cu a slow down pa un auto cu tawata ariba e rotonde.
Un impacto basta duro, unda cu e Audi ta esun cu a haya mas daño material y un dama pasahero a ricibi un rasca chikito na su man.
Paramediconan na e sitio a laga e dama subi den ambulance unda cu nan a atende un rato.
Polis a tuma dato y a warda un rato pa takelwagen move e Audi cu a haya hopi daño material.
