Home International Road rage a costa bida di un criatura di 6 aña, e...

Road rage a costa bida di un criatura di 6 aña, e mucha a muri den brasa di su mama

SHARE

Orange County, California, U.S.A.:
diabierna mainta na Orange County, agression serio den trafico, lamentabelmente a costa bida di Aiden Leos un criatura di apenas 6 aña. Un persona lo a los un tiro riba e auto di su mama, cu consecuencia fatal pa Aiden.

E sucedido tristo aki a sucede diabierna den e trafico congestiona di tur mainta na Orange County. Chauffeur di un auto blanco lo a cera e auto di mama di Aiden, e mama den su rabia lo a saca su dede memey pa e dama chauffeur den e auto blanco.

E mama tabata riba caminda hibando su yiu scol, na momento di e Road rage. Segun prensa local, posibelmente un ocupante den e auto blanco, despues di a mira e mama di Aiden saca su dede memey, lo a los e tiro fatal.

E bala a pasa door di e bahul di e auto y a perfora e sienta patras y asina a alcansa e criatura na su lomba. E criatura tabata sinta den su carseat. E mucha mesora a cuminsa grita y yora di dolor, e tabata grita bisando cu e tin hopi dolor den su barica. E mama di Aiden a bay den panico y a para su auto banda di caminda. E la hisa su yiu y a keda cu ne den su brasanan te ora cu un agente policial cu a pasa riba e caminda a bin yude reanima e criatura.

Na momento cu ambulance a yega Aiden a cuminsa bira blauw caba, e la wordo hiba cu urgencia pa hospital, pero lamentabelmente no a sobrevivi.

Durante un conferencia di prensa, e ruman grandi di Aiden, yorando tabata pidi e comunidad di Orange County pa please yudanan haya e asesino di nan ruman chikito, e ruman bou awa di wowo a recorda su ruman homber chikito, como un mucha hopi lief.

Famia di Aiden Leos a pidi tur hende, pa porfabor yudanan haya e asesino.