Home Police Dos persona di edad envolvi den accidente ariba caminda di Westpunt

Dos persona di edad envolvi den accidente ariba caminda di Westpunt

SHARE

Westpunt/Topaz – Diadomingo merdia pa mas o menos 12:30 polis a haya informcion di un accidente cu un zonido basta fuerte, esaki tawata ariba e caminda di Westpunt.

Na yegada polis a constata cu ta trata di dos auto, un Chevrolet Spark y un Honda Crv.

Ambos chauffeur a resulta herida, un mas cu e otro.

Chauffeur di e Honda cu ta un dama di edad a ricibi un corta chikito na su man y tambe e Airbags ora di a sali a dal e na su cabes. Pero, e tawata ok y a baha cana.

Pa loke ta chauffeur di Spark cu ta un cabayero si a haya mas golpi.

Ambulance a ser pidi y tawata na caminda. 

Na yegada Paramediconan a atende na e sitio cu e dama di e Honda.

Pa loke ta chauffeur di Spark e tawata keha di dolor na pecho.

Polis di trafico a yega y tawata tumando dato di loke a sosode.

Paramediconan a transporta e cabayero pa Hospital pa mas atencion medico.