Home » Diahuebs: Sospechosonan Hsing y Every tambe a wordo treci bou extra siguridad di guardianan di CEA

Diahuebs: Sospechosonan Hsing y Every tambe a wordo treci bou extra siguridad di guardianan di CEA

by Admin
0 comment 87 views

 

Vondellaan, Oranjestad: Diahuebs mainta, por a nota cu na momento cu señora Singh na Oficina di Landsrecherche, tabata tin extra vigilancia. E vigilancia a keda y a warda riba e yegada di e sospechoso Freddy Every tambe.

Manera nos a informa ayera cu e sospechoso Abath tin extra vigilancia, diahuebs mainta trempan nos a tuma nota cu e dos sospechosonan Hsing y Every tambe tin extra siguridad. Cual na cuminsamento di detencion no tabata e caso.

Esaki segun nos a compronde ta un procedura ora un sospechoso, ta un persona peligroso of mas bien su bida pa un of otro motibo lo por ta core peliger debi na menasa/nan.

Den caso Avestruz, autoridad ta investigando terenonan cu a wordo otorga na un forma contra e proceduranan normal. E sospechosonan tin cargonan pisa contra nan, un caso hopi grandi den cual ta menciona actonan criminal grandi, manera labamento di placa, valsheid in geschrifte, fraude, corupcion y den cual  ta wordo papia di sumanan grandi di placa.

Abogado Carlo cu ta abogado di Every tambe a presenta oficina di Landsrecherche pa asina compaña su cliente durante e interogacion.

Awe of mayan desicion lo wordo tuma si ta prolonga detencion di Every, si ta prolonga detencion di Every e tambe lo wordo translada pa K.I.A.  Si acaso e haya su libertad, asina mes e ta keda un sospechoso pendiente di por wordo yama pa mas interogacion of warda riba e dia cu e caso Avestruz wordo presenta den corte.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio