Home » LAGA E MUCHA SEMPER TA CENTRAL MUCHA TA PROTEGI PA DERECHONAN CU TA FUNDAMENTAL Michella Steenvoorde – Laclé Candidato # 27 riba lista di MEP

LAGA E MUCHA SEMPER TA CENTRAL MUCHA TA PROTEGI PA DERECHONAN CU TA FUNDAMENTAL Michella Steenvoorde – Laclé Candidato # 27 riba lista di MEP

by Admin
0 comment 102 views

ORANJESTAD: Nos muchanan tin derecho pa tin ambos mayor den nan bida, e derecho aki ta wordo ancra den e tratadonan internacional di mucha, tratado di UNICEF cu Aruba tambe a ratifica na aña 2001. Nos muchanan tin derecho di haña alimentacion, den caso di un separacion, nos muchanan tin derecho di haña esaki di ambos mayor. Nos muchanan tin derecho pa wordo scucha. Y asina nos muchanan tin hopi otro derechonan mas, den total tin 54 articulonan di derecho di mucha.

Pa yega na conclui e Proyecto “Voortgezet Ouderschap Aruba” (Mayor bo ta Pa Semper) un sondeo hunto cu Centraal Bureau Statistiek Aruba a wordo haci.
Estudionan prome cu esey a duna nos un bista di kiko ta e situacion di nos muchanan actualmente riba e tematica aki. A sondea entre otro.

1. Cuanto divorcio tin na Aruba? Y cuanto mucha tin envolvi?
2. Cuanto ta e cifrasnan di mayornan cu mester acudi nan instancianan manera Voogdijraad y/of Corte pa por busca
derecho di alimentacion pa nan yuinan?
3. Con bureau leerplicht ta registra ausencia di muchanan na scol, si nan categorisa esakinan, por ehempel “ausente
paso mayornan ta separando”
4. Con e trahadonan social ta registra ora un mucha bai atras den scol, of actitud si nan ripara cu e mayornan ta
pasando den un separacion? Kiko nan tin prepara pa e grupo di muchanan aki?

E contestanan na tur pregunta tawata alarmante. Esaki ta un di e motibonan pa cual mi ta pone mi mes disponible cu determinacion. Mi lo traha riba e maneho y trece solucion definitive, cu contenido pa e problematicanan aki. Cu un vision y mission cu a resulta exitoso na otro paisnan, formula cu ta conta cu aprobacion di Nederlandse Jeugd Instituut y e rapport di Kinder Ombudsman.

Adaptando e na Aruba su custumbernan y cultura.
E Proyecto di ley pa Plan di Mayor Obligatorio ta escencial pa nos comunidad henter y nos muchanan en especial.
Mi kier a pidi Dios danki pa pone e vision aki den mi curason, y conectami cu e personanan corecto y den e posicion pa por obra. Un agradecimiento na Minister Andin Bikker y Minister Glenbert Croes pa sostene e propuesta di ley pa Plan di Mayor obligatorio pa mayornan cu ta bai separa.
Sin lubida e team di expertonan cu a forma parti di cie. Voortgezet Ouderschap Aruba, cu di inicio a sa di trece e expertonan corecto hunto.

Pa mas informacion encuanto e poyecto aki bishita mi facebookpagina Michella Steenvoorde -Lacle candidato 27 MEP.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio