Dialuna mainta trempan, Avestruz a lanta brabo, e biaha aki nan no a bay na cas di noun hende, pero lo a haci’e via un yamada.
Den careda di 8 ‘or y mey di mainta, nos por a nota un Hotelero local, hopi conoci den nos comunidad, mester a presenta na oficina di Landsrecherche. E hotelero aki a wordo acompaña pa un persona, kende lo ta su abogado.
E hotelero aki a wordo encarecidamente pidi pa presenta na oficina di Landsrecherche, esaki por ta pa dos motibo, sea cu e ta un testigo clave di actonan coruptivo of un sospechoso mas den caso Avestruz.
Tambe un rato despues transportawagen di C.E.A. a yega y for di e transportwagen a baha señora Leoncita Arends
Caso Avestruz ta birando tur siman mas grandi y mas sorpresivo. E ta mas grandi di locual tabata e kehonan inicial cu a wordo entrega algun aña atras na Ministerio Publico.
Tempo e kehonan a wordo entrega, e caso tabata wordo yama Terenogate.
