Home » Homber bou influencia a comete destruccion y manda piedra ariba su pareha y su yiu chikito

Homber bou influencia a comete destruccion y manda piedra ariba su pareha y su yiu chikito

by Admin
0 comment 95 views

Jaburibari  – Durante weekend polis a tawata man yen cu varios asistencia relaciona cu problema domestico, o sea problema entre pareha.

Varios di casonan mayoria biaha e homber ta bou influencia( no tur ora si). Tin biaha e ta keda na abuso verbal y otro biaha na abuso fisico.

Diadomingo atardi den careda di 6’or asistencia di polis a wordo pidi na un adres na Jaburibari, eynan tin algun trailer cu ta wordo gehuur.

Den un di e trailernan un dama y su yiu tawata tin problema cu e homber.

Segun informacion e homber lo tawata bou influencia y ta bira fastioso.

E homber lo a kibra cos den cos y tambe lo tawata tira piedra ariba e su pareha y su yiu chikito.

Na yegada di polisnan di districto Noord, no a keda nan nada otro cu detene e homber, esaki ta pa evita cu cos lo bay completamente for di man mas laat.

A pidi transportwagen y por a mira polis sali cu e homber den boei y hinke den e vehiculo cu a sali direccion Shaba.

Eynan e lo mira un Sub Fiscal, cu lo ta esun encarga pa mira kiko lo pasa cu ne pa e resto di anochi.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio