Vondellaan – Diamars den oranan di mainta Landsrecherche ta trece un otro persona mas aden, relaciona cu e caso Avestruz.
Manera nos a trece dilanti caba cu ta trata di Sr. Freddy Every cu tawata fungi como Chief of Staff di pa ex Minister di A.V.P cu ta Sr. Benny Sevinger.
Manera ya Ministerio Publico a trece dilanti den diferente ocasion cu tur e personanan aki tin of mas vinculo relaciona cu iregularidadnan cu sosode cu hopi tereno di Gobierno.
Unda cu ta ser papia di sumanan hopi grandi di placa.
Diamars atardi despues di oranan di interogacion Sr. Freddy Every tambe ta uni su mes na e grupo di personanan deteni, den un di e casonan di corupcion mas grandi den Historia di Aruba.
Every lo bay pasa dianan bou interogacionnan extenso, mescos e resto di grupo.
Abogado Carlo a asisti Every henter dia, mescos den caso di e otronan.
