Home Police Problema entre bisiña a termina na un persona hinca y un aresta

Problema entre bisiña a termina na un persona hinca y un aresta

SHARE

De Vyust – Diasabra marduga polis a haya informacion di un pelea na un cas situa na De Vyust y cu un persona lo a ser hinca.

Mesora polisnan a sali pa e sitio indica, y berdad na yegada a haya e persona cu a ser hinca. E tawata cana pero e persona tawata tin un hinca, e la splica polis kiko a pasa.

Polis a constata cu e persona tawata tin un hinca altura di su ribchi, cu algun rato despues a cuminsa sangra hopi.

Segun nos a compronde e problema lo a start entre dos bisiña, posiblemente a surgi un pelea cu a termina cu unda un persona a resulta herida.

Na e sitio polisnan algun minuut despues di a yega e adres a detene e agresor, unda a pidi transportwagen pa hibe warda di polis.

Mientrastanto na yegada di ambulance e Paramediconan a transporta e persona herida pa Hospital, unda n e lo wordo someti na testnan pa mira e seriedad di e hinka.