Home Local Crisis Team cu cambio di maneho y mientras Aruba ta registra 1...

Crisis Team cu cambio di maneho y mientras Aruba ta registra 1 caso di e variante di India

SHARE

Oranjestad, 01 di mei 2021 – Enconexion cu e ultimo desaroyonan pa loke ta e pandemia Crisis Team ta introduci algun cambio den maneho. Cautelosamente ta flexibilisa algun medida, cuidando e progreso cu a logra te awo. Pa loke ta sector di entretenimiento, enves di 1 musico awor por tin maximo 3 musico o cantante riba escenario den cada luga, bailamento di publico no ta permiti. Pa loke ta entiero, a tuma e decision pa aumenta e cantidad di personanan cu por ta presente den un sala di entiero; di 10 pa 50 persona. Pa motibo cu a registra un caso di e variante di India, a tuma desicion cu lo sera frontera cu India. Aunque ta un caso so a detecta pero ta considera cu e paso aki ta necesario pa preveni mas caso. Crisis Team ta keda motiva tur esnan cu ainda no a vacuna pa nan pasa na e centronan di vacunacion na Centro Deportivo Libertador Betico Croes na Santa Cruz y na Teresita Center San Nicolas. Mas hende sigui vacuna, mas e casonan lo sigui baha y mas medida por flexibilisa y den futuro elimina.