Home Police Polis a bay cera establecimento cu no a mantene su mes na...

Polis a bay cera establecimento cu no a mantene su mes na ora di cierre

SHARE

Tanki Leendert: Diahuebs den careda di 9’or di anochi, Crisisteam a pidi asistencia di polis pa haci un control na Bluemoon Lounge na Tanki Leendert. Esaki pa motibo cu 9’or tur establecimento mester cera, pero cu Bluemoon Lounge ainda tabata habri. 

Probablemente ta for di oranan di atardi caba lo tabata tin un fiesta andando y cu nan lo a surpasa e cantidad di persona  cu ta wordo permiti den un establecimento.

Dos patruya di polis a bay na e sitio, na yegada enberdad nan a mira  un cantidad di auto staciona pafo y canto di caminda grandi. Den e establecimento nan a  bin topa tambe cu un cantidad grandi di personanan. Polis mesora a bay atende cu esnan responsabel pasobra e establecimento mester tabata cera caba. Polis mesora a para e fiesta y a exigi tur hende pa bandona e sitio nocturno aki.

E dos patruyanan di polis a keda warda na e sitio te ora cu tur hende a bay for di e sitio y e lugar a cera.