Home Police Rumannan conoci pa polis a bolter cu nan auto durante un persecusion

Rumannan conoci pa polis a bolter cu nan auto durante un persecusion

SHARE

Sero Crystal / Koeriboeri – Dialuna marduga polis a wordo solicita na un adres den Madiki unda un of mas persona tawata tira piedra y boter ariba e cas. Habitantenan a informa polis di un persona para pafo y cu e buscando problema.

Polisnan a yega, pero ya esnan buscando problema a bandona e sitio. Tur esaki pasando durante TDQ.

Un patrouille atento di Santa Cruz a spot e auto, cu ta un Kia Rio shinishi altura di Cas Casuela bayendo nort.

Aki a start un persecusion.

Den e Kia Rio tawata tin dos hende homber cu a resulta di ta dos ruman Boekhoudt conoci pa polis, nan tawata bayendo Santa Cruz unda nan ta biba. Esaki tawata e mesun personanan cu a bay busca problema den Madiki.

Durante e persecusion nan a sigui ariba e caminda di Tanki Leendert bay pariba, na rotonde di Paradera nan a bay nort direccion Babijn.

Dado momento ariba e caminda aki nan a paga e luz di e vehiculo y siguiendo cu velocidad halto direccion Sero Crystal.

Loke e dos rumannan no a tene cuente cu ne tawata e bocht entre Sero Crystal cu Koeriboeri.

Ey nan a perde control y bolter cu e auto.

Y di e manera aki polisnan a sa di arestanan. Ningun di dos a sufri daño personal.

Pero habitantenan si a pasa den un susto grandi door di e zonido fuerte.

Polisnan a pone ambos ariba suela wardando transportwagen.

Ora cu transportwagen a yega a pone un prome den e van, mientras e otro ruman si polis mester a trata cu ne mas fuerte debi cu e no tawata coopera momento cu nan a bay hinke den e Van.

Takelwagen a wordo solicita pa a bolter e auto y hiba warda di polis.