Home Police Diferente droga a pone homber su cabes bruha formalmente y heridando su...

Diferente droga a pone homber su cabes bruha formalmente y heridando su mes

SHARE

San Barbola – Diahuebs durante oranan di marduga polis a bay un adres na San Barbola, unda lo tin un persona kibrando auto pafo.

Tawata den careda di 1’or pasa cu polisnan a yega den San Barbola na e dicho adres y ta haya un homber den un SUV.

E homber tawata hopi exicita y tambe a corta su pia seriamente.

E cabayero aki tawata bou un of mas substancia cu a pone halucina un monton di cos, hayando panic attacks tras di otro.

Rato rato e cuminsa grita duro cu nan kier mate y e scuridad, tambe e ta resa na Dios pidi’e forsa etc etc.

A pidi transportwagen cu a yega y a hibe warda di polis den Wilhelminastraat, eynan un Sub Fiscal a sali wak e. Pues e no a wordo baha for di e transportwagen mirando su situacion.

Ambulance a ser pidi y despues di un rato a yega y paramediconan a baha y via e porta a mira e herida.

Na nan turno nan a conseha polis pa hibe Spoed Eisende Hulp pero den e transportwagen mes.

Asina a sali un patrouille extra tras di e transportwagen direccion Hospital, unda na yegada a bahe y pone den rolstoel pa e bay paden, tur esaki bou di guia di algun agente policial.