E presidente di Venezuela Nicolas Maduro a ofrece a cambio di petrolio pa por haya vacunanan di Covid-19, mirando cu e cantidad di contagio ta aumentando y e sancion Mericano contra Venezuela.
“Venezuela tin tankeronan, e tin cliente cu ta cumpra petrolio cerca nos, y lo entrega un parti di su production como garantia pa tur e vacunanan cu venezuela tin mester” Asina e Presidente a laga sa. Mas detayes hefe di estado no a duna.
Venezuela ta confrontando un crisis serio politicamente y economicamente. Door di falta di divisa, e pais no por importa cuminda, medicina y necidadnan di tur dia. Te hasta gasolin ta scars, esaki na un di e paisnan cu tin un di e reservanan di petrolio mas grandi na mundo.
Segun Maduro banda di e barterdeal pa haya vacuna tin solamente un otro opcion mas: Pa convence e banconan Americano y Europeo pa libera e placa cu ta blokea door di e sancionnan. Pa asina nan lo por paga pa e vacunanan di e iniciativa International COVAX.
Segun e cifranan oficial, na Venezuela lo tin mas o menos 156 mil hende registra cu ta contagia cu coronavirus y tambe cu lo tin mas cu 1500 persona cu a fayece. E cifranan real, probablemente lo ta hopi mas halto, pasobra na e pais bisiña masha poco ta wordo getest.