Home » MINISTERIO DI BOLUNTARIO DI FREEWINDS A YEGA UN LOGRO IMPORTANTE ALCANSANDO 11 MIYON PIA CUADRA CU NAN A DESINFECTA ROND DI ARUBA.

MINISTERIO DI BOLUNTARIO DI FREEWINDS A YEGA UN LOGRO IMPORTANTE ALCANSANDO 11 MIYON PIA CUADRA CU NAN A DESINFECTA ROND DI ARUBA.

by Admin
0 comment 156 views

E ministerio di Boluntario di Freewinds ta traha non stop desde inicio di e pandemia di Covid-19 cu un solo meta den mente: Pa hasi di Aruba e lugar mas sigur na mundo. E grupo di persona aki dedica ta sali tur mainta y ta traha te anochi, diligentemente desinfectando tur lugar cuminsando na misa, oficina di gobierno, scol, atracción turístico y mas. Nan esfuerso awor a yega e cantidad grandi di 11 miyon pia cuadra y tur esaki pa e number di caso di Covid-19 baha na zero, pa asina nos turismo por florece y nos economía por crece.
No ta importa si ta un scol, misa, facilidad deportivo, boto di tou of un snack truck, e Ministerio di Boluntario ta considera cada espacio un lugar clave na Aruba y un objetivo pa desinfecta pa preveni Covid-19 di plama.
Pero nan esfuerzo no ta caba cu djis desinfecta nos isla. Realisando c unan mester cubri mas territorio mas liher e boluntarionan di Freewinds ta uniendo cu otro companianan interesa den mihor manera di desinfecta y preveni, entrenando nan con pa traha cu D7 of Decon7, e mihor agente di desinfecta cu tin. E ta e producto mas fuerte riba mercado capas di mata 99.9999% di tur virus y bacteria incluyendo Covid-19.
Maske e organisacionan asocia t adunando excelente resultado, nan a mira un oportunidad den D7 pa dunan nan cliente ainda un mihor producto y mantene nan mes y nan empleadonan mas sigur den e proceso aki.
Tur e esfuersonan aki ta dedica na preveni Corona virus di plama y mas organiosacion cu usa D7 mas liher e virus lo wordo elimina di nos isla.
Mirando cu un ons di prevención t abal un ton di cura, e boluntarionan di Freewinds adicionalmente ta duna seminario di prevención rond di nos isla dunando e publico conocemento valioso e información pa publico di loke realmente ta prevención y con pa promove sigi e protocolnan mas efectivo,usando e pamfletanan di Stay Well y e videonan.A puntra un voluntario pakiko e ta hasi esaki y ela bisa:” E trabou aki no ta fácil, pero mi ta haya e t abale la pena p ayuda y p asa cu loke nos ta hasi ta mantene Aruba sigur. Ora un cabesante di scol of un doño di tiendo mustra su aprecio sincero pa e ayudo cu nan a haya esey ta mas valioso cu placa.”
Otro voluntario a bisa:” Pa ta riba e isla bunita aki y dedicando mi mes pa produci algo asina valiosa cu e coleganan di Ministerio di Boluntario di Freewinds, tawata un experiencia maravilloso. Yudando otro hende a yuda ami pa desaroya mi mes personalmente. Mi ta hopi agradecido pa e oportunidad di por yuda Aruba.”
Manteniendo Aruba sigur y e portanan di nos isla habri pa turismo ta e prome meta di e Ministeriop di Boluntario di Freewinds. E segundo meta t apa eradica Corona Virus completamente hasiendo nos isla e lugar mas sigur na mundo, caminda hopi turista lo yega.
Sabiendo cu e industria di turismo ta e pilar di e economía di nos isla ta e motivo pakiko e Ministerio di Boluntarionan di Freewinds ta wordo mira tur dia desinfectando rond di nos isla, dunando asina un contribución valioso na nos comunidad.
Nan esfuerso no a keda sin wordo nota, hasta pa e Prome Minister di Aruba, Sra. Evelyn Wever Croes, ken recientemente a manda un carta pa e Kapitan di SMV Freewinds Sr. Mike Napier,expresando su apreciación pa e trabou cu e Ministerio di Boluntario di Freewinds ta hasi tur rond di Aruba. E Prome Minister a bisa lo siguiente:”Como Prome Minister di Aruba , y papiando pa tur hende na Aruba, mi kier a gradici e Ministerio di Boluntario di Freewinds pa e asistencia cu boso a duna durante e pandemia di Covid-19, cu a surpasa loke nos a spera. Nos ta aprecia e manera cu e tripulación a move rond di nos isla distribuyendo e pamfletanan di Stay Well na lugarnan clave, dunando e pueblo e oportunidad pa nan haya información clave con nan por proteha nan mes y otronan y preveni e malesa di plama. E Ministerio di Boluntario a uni cu Departamento di Brandweer
pa desinfecta lugarnan clave manera warda di polis, scol, misa, Oficina di gobierno y mas. Boso trabou nobel y bondadoso ta wordo reconoci como tal y ta wordo elogia. Dios bendiciona boso tur.”
Pa asistencia di e Ministerio di Boluntario di Freewinds pa desinfecta bo lugar, of pa ricibi un seminario di prevención of un training con pa desinfecta bo lugar di trabou of bo cas usando Decon 7, por favor contact [email protected] of na signal +1-727-8104 of na cel 297 747-1613.
Pa haya información con bo por proteha bo mes y otronan,con bo por mantene bo cas y bo lugar di trabou sigur bishita e How to Stay Well Resource Center online na www.scientology.org/staywel na undo bo ta waak tur e pamfletanan y video y por download nan gratuitamente. Tur e material aki ta obtenibel na spaño, hulandes e ingles y 18 idioma mas.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio