Home Local Crisis Team: No por tin Caminda di Cruz riba caminda publico mei...

Crisis Team: No por tin Caminda di Cruz riba caminda publico mei mei di e Pandemia y cu e medidanan actual.

SHARE

Oranjestad, 28 di maart, 2021 – Crisis Team ta desea di informa comunidad di Aruba cu lamentablemente debi na e situacion actual di e Pandemia no por tene actividadnan di Caminda di Cruz of otro actividadnan publico pafor di edificio di iglesia of centro spiritual durante di e dianan di Siman Santo.

Bao di e actual Ministeriële regeling no ta permiti pa aglomera den grupo ni cana den grupo durante henter dia. Ademas tin Toque de Queda tambe cual ta prohibi pa cualkier persona por ta riba caya entre 10 or di anochi y 5 or di mainta. Crisis Team ta spera cu un y tur tuma nota di e medidanan na vigor cual ta pa proteccion di henter nos comunidad. Aña pasa tampoco por a tene Caminda di Cruz lamentablemente y pa e mesun motibonan. Den siguiente dianan e programa di vacunacion lo wordo acelera y amplia, y pronto si e casonan positivo pa dia baha, por cuminsa flexibilisa e medidanan.