Partido MEP ta un partido serio cu semper ta traha y goberna na bienestar di nos pueblo y e felicidad di cada ciudadano di nos pais. Partido MEP den su historia nunca a sconde pa niun reto ni con pisa y duro y imposibel cu nan a mustra di ta. Semper lidernan di Partido MEP y cada candidato sea representado pueblo den Parlamento of gobernando, a sali afo pa pueblo y a mustra balentia pa resolve problemanan di nos pais y pone nos pais den progreso.
Algo sigur cu no por bisa di e Partido AVP y su lider Mike Eman kende pa cuminsa ora cu su votadonan a scoge pa representa pueblo den Parlamento na aña 2017, no a haya cu esey tawata un posicion digno pa e ocupa y a retira e mesun anochi di eleccion 2017 despues cu a bira conoci cu su partido a haya rechaso di su votadonan pasobra como lider el a faya y a hiba nos pais den bancarota. Y Mike Eman a dicidi di bay sconde cara no di berguensa pero mas bien di un sinberguesa mustrando pueblo cu e no tin niun Arubano na curason. Leu leu, Mike Eman ta saca cabes ariba entoxicando e aire fresco cu e gobernacion di Gabinete Wever-Croes ta dunando nos pueblo.
Y awo atrobe, Mike Eman ta saca nanishi riba tera pa purba hunga romance cu nos pueblo y cuestiona riba e maneho cu Prome Minister y Gobierno di Gabinete Wever-Croes ta hibando den e temporada dificil di e pandemia cu nos ta aden. Awo Mike Eman kier sali duna su opinion di COHO y e maneho.
Ta bon e ora pa nos recorda pueblo, cu tempo cu Gobierno di Aruba, den varios ocacion, a duna Mike Eman y tur otro partido politico na Aruba e oportunidad pa ta parti di tur discussion tocante acuerdonan cu Hulanda, Mike Eman nunca a sinti ni mustra interes di kier yuda Aruba den e crisis aki. Tur lo contrario.
Gobierno di Aruba a invita Mike Eman pa varios cumbre durante e prome lunanan di e pandemia y Mike Eman y AVP no a participa na e consultanan nacional den e cumbrenan aki. Mike Eman nunca a mira e importancia y sinti e deseo pa ta parti di un solucion. Y atrobe, criticando COHO y of maneho di Gobierno, tampoco Mike Eman ta mustrando interes den nos pueblo sino den su interes propio pa bin na mando pa e daña e trabou cu e Gobierno aki ta haciendo pa recupera di e sla duro cu Covid a ocaciona nos pais.
