Mayornan di nos chikitinnan di Hurricanes Baseball Team a acerca lider di Partido POR, Alan Howell debi cu e veld di bala unda nan ta train tabata na werki.
Organisacion di Hurricanes Baseball Team ta uno cu ta dedica na prepara y train e muchanan for di chikito den e deporte di baseball pa asina un dia nan lo por logra nan soño pa bira major league players.
Mirando e importancia di e organisacion aki y teniendo deporte hopi cerca di su curason, Alan Howell a duna atencion mesora na nan peticion y awo nos muchan por train y hunga bala safe y dushi. Lider di POR a keda hopi satisfecho di mira cu tanto mayornan y e muchanan a keda contento con e veld a keda.
Howell a expresa cu por ripara cu rond di e veld falta mas atencion y el lo pidi minister Dangui Oduber pa duna un man den esaki y laga e area completo den un bon condicion. “Cumpli cu pueblo ta mi gran satisfaccion”.