ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Papilon cu lo bay cera pa asina nos asfalta e caminda. Trabounan preparativo lo cuminsa diamars dia 16 di februari te cu diaranson dia 17 di februari 2021.
Lo asfalta diahuebs dia 18 di februari 2021 y finalisa diabierna dia 19 di februari 2021.
E caminda cu ta bay asfalta ta cuminsa na Papilon #122 caba na Papilon #122J.
Ta bay indica e ruta alternativa cu baricadanan y borchinan di aviso y e orario di ceramento lo ta di 8’or di mainta pa 4’or di atardi.
En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.